Bakı Şəhər Mədəniyyət və Turizm Baş İdarəsinin Binəqədi rayon Mərkəzi Kitabxanasında xalq artisti Yaşar Nurinin xatirəsinə həsr olunmuş "Səhnədə keçən ömür" adlı tədbir keçirilib.

​Axar.az xəbər verir ki, tədbirdə xalq artisti, rejissor M.Fərzəlibəyov, İrəvan Dövlət Azərbaycan Dram Teatrının direktoru İ.Piriyev, Mədəniyyətşünaslıq üzrə Elmi-Metodiki Mərkəzin metodisti A.Əmirxanov, "Mədəniyyət" qəzetinin əməkdaşı G.Mirməmməd, Binəqədi rayon MKS-nin əməkdaşları və fəal oxucuları iştirak edib.

​Sənətkarın yaxınlarının və sənət dostlarının qatıldığı tədbirdə əvvəlcə xalq artistinin həyat və yaradıcılığından söhbət açılıb. Daha sonra xalq artistinin həyat yoldaşı Rahimə Nuriyeva və qızı Ülkər onunla bağlı xatirələrini bölüşüb.

​Sonda iştirakçılar aktyorun xatirəsinə həsr edilmiş sərgi ilə tanış olub.