Yaşarın ailə üzvləri olaraq qəbrini ziyarət etdik.

Bu sözləri mərhum xalq artisti Yaşar Nurinin həyat yoldaşı Rəhimə xanım Nuriyeva mərhumun anım günündə sənət dostlarının niyə ziyarətə gəlməməsi haqda Axar.az-a danışarkən deyib. O, Yaşar Nurinin yubileyində hər kəsin iştirak etdiyini xatırladıb:

"Biz tezdən getmişdik, saat 11-12 arası, sənət dostları da yəqin ki, indilərdə gedər. Sentyabrda ad günündə məzarını ziyarətə bütün dostları ilə birlikdə getdik. Noyabrın 15-də Akademik Milli Dram Teatrında yubileyi təşkil edildi, hamı orada idi, yəqin, dostları yenə gedər. Bilirsiniz, zəng edib "biz Yaşarın məzarını ziyarət etməyə gedirik, gəlin", - demək mənə yaraşmaz".

Qeyd edək ki, xalq artisti Yaşar Nuri 2012-ci il noyabrın 22-də uzun sürən xəstəlikdən sonra vəfat edib.