Dünən Rəşid Behbudov adına Dövlət Mahnı Teatrında gülüş ustası Səməndər Rzayev “Nərdivan” adlı “Stənd ap” konsert proqramı ilə çıxış edib.

Axar.az xəbər verir ki, 18.59-da start götürən konsert 90 dəqiqə davam edib.

Aparıcısı DJ Çina olan gecədə öncə Səməndər Rzayevin Beynəlxalq KVN uğurlarından, həmçinin, yerli televiziya və film yaradıcılığından bəhs edən qısa videorolik nümayiş etdirilib.

Satiradan geniş istifadə olunan proqramda ökənin elmi-mədəni, ictimai-siyasi və məişət problemlərinə yumor prizmasından baxılıb. Konsertdə həmçinin, yenidən fəaliyyə başlayan, Səməndər Rzayevin ssenari müəllifi və aktyorlarından biri olduğu “Mozalan” satirik kinojurnalının 3 buraxılışı təqdim edilib.

Qeyd edək ki, geniş tamaşaçı kütləsinin “Nərdivan”ı izləməsi üçün konsert 2017-ci ildə kinoteatrlarda yayımlanacaq.