Ana səhifə Kult Teatr |
Azərbaycan Dövlət Akademik Milli Dram Teatrının (Azdram) sərəncamçı direktoru Natiq Gülməmmədov tutduğu vəzifədən azad edilib.
Teatrdan Modern.az-a daxil olan məlumatda deyilir ki, Natiq Gülməmmədovun işdən çıxarılmasına səbəb son vaxtlar onun “Azdram”ın bədii rəhbəri və direktoru Azərpaşa Nemətlə yola gedə bilməməsi olub. Belə ki, tərəflər arasında dəfələrlə ciddi mübahisənin baş verdiyi, məsələnin hətta Mədəniyyət və Turizm Nazirliyinədək gedib çıxdığı bildirilir.
Amma Azdramdan yola salınan Natiq Gülməmmədov işsiz də qalmayıb. Mədəniyyət və Turizm naziri Əbülfəs Qarayevin əmri ilə o, Azərbaycan Dövlət Kukla Teatrında direktor müavini vəzifəsinə təyin olunub.
Xatırladaq ki, Natiq Gülməmmədov 2016-cı ilin yanvar ayından Akademik Milli Dram Teatrına sərəncamçı direktor vəzifəsinə təyin olunmuşdu.
O, 2010-2015-cı illərdə Azərbaycan Dövlət Kukla Teatrında direktor müavini vəzifəsində çalışmışdı. Beləliklə də Azdramdan çıxarılan N.Gülməmmədov Kukla Teatrındakı əvvəli vəzifəsinə qaytarılıb.
Tarix
2016.12.10 / 17:10
|
Müəllif
Axar.az
|