Məncə, hamı öz işi ilə məşğul olsa, daha yaxşı olar. Mənim qəti şəkildə rejissor kimi fəaliyyət göstərmək fikrim yoxdur. Çünki sənətimi çox sevirəm və hələ ondan doymamışam.

Bu sözləri xalq artisti Fuad Poladov nə üçün bəzi həmkarları kimi aktyorluqla yanaşı, rejissorluq etməməsi haqda Axar.az-a danışarkən deyib. O, hər kəsin öz işi ilə məşğul olmasının daha yaxşı olduğunu bildirib:

“Düşünürəm ki, gələcəkdə hələ yaradacağım çox rol var. Hesab edirəm ki, bir aktyor öz işini buraxıb, rejissorluq edirsə, deməli, artıq öz sənətindən soyuyub. Mənim aləmimdə bu, düzgün deyil. Çünki mən böyük rejissorlar görmüşəm, onlarla işləmişəm. Aktyorların rejissorluq etməyi onların aktyorluqlarına da zərbə vurur”.