Sonra xasiyyəti dəyişdi, özünə güvəndi.

Kult.az xəbər verir ki, bu sözləri xalq artisti Rühəngiz Qasımova həyat yoldaşı haqda "Ömrün fəsilləri" verilişində danışarkən deyib. O, "Anacan, dostum evlənir" mahnısını həyat yoldaşına yazdığını bildirib:

"2 övladım var. Artıq 52 ildir evliyəm. "Anacan, dostum evlənir" mahnısı ona yazılıb. Məni çox yaxşı başa düşür. Qapalı insandır. Mən tam əksiyəm onun. Bizə hamı deyirdi ki, siz necə yaşayacaqsız, o sakitdir, sən yerində dura bilmirsən. Amma hamı gördü ki, alınır. Fikrət Qoca mənə kömək elədi. Şeiri yazdıq, mahnını hazırladıq. Sonra xasiyyəti dəyişdi, özünə güvəndi. Sonra biz bir dənə də mahnı yazdıq. "Gəlmirsən, gəlmə" adlı mahnı idi. Onu da İlhamə Quliyeva oxudu. Sonra o, təşvişə düşdü, gəldi elçiliyə, nişan taxdıq. Nişandan sonra "Anacan, dostum evlənir" mahnısını yazdıq".