İyun 8-i, saat 19.00-da Yuğ Dövlət Teatrında Kamal Abdullanın “Bir, iki, bizimki” pyesi əsasında hazırlanmış “Səsimi unutma” tamaşasının premyerası keçiriləcək.

Kult.az xəbər verir ki, tamaşanın quruluşçu rejissoru Gümrah Ömər, quruluşçu rəssamı Rəşid Şerifdir.

Tamaşada əməkdar artistlər Məmmədsəfa Qasımov, Gülzar Qurbanova, aktyorlar Amid Qasımov və Ləman Novruzova çıxış edir.

İki dünya arasındakı sahibsiz bir məkana düşmüş qəhrəman vəfat etmiş qadını ilə ünsiyyətə girir. Qəhrəman sadəlövhcəsinə elə vəziyyətlər yaradır ki, sonradan özü onu fani dünyaya bağ­la­yan hər şeydən qaçılmaz şəkildə imtina etməli olur.

Tamaşa Azərbaycan Dövlət Kukla Teatrının binasında nümayiş olunacaq.