“Bu şəhərdə” heyəti növbəti - 17-ci ildönümləri ilə bağlı silsilə konsert proqramlarına bu gün yekun vurub.

Kult.az xəbər verir ki, uğurlu çıxışları ilə izləyicilərin sevincinə bol-bol gülüş qatan Rafael və Çoşqun cütlüyü bu dəfə də səhnə insanlarını parodiya etməkdən vaz keçməyiblər. Belə ki, Ramil Nabran, Mətanət İsgəndərli, Rəhim Rəhimli və Pərviz Bülbülənin çıxışlarından mahnılar səslənərək, parodiya edilib.

Həmişəki kimi, lotereya da oynanılıb və şüşə qablardan çıxarılan nömrələr əsasında, təsadüfi xoşbəxt bilet sahibləri “Bu şəhərdə” kollektivi tərəfindən bahalı mükafatlarla (telefon və digər əşyalar) mükafatlandırılıb. Tədbirdə “Qarabağ” fitbol klubunin rəhbərliyi və heyətinə də hədiyyə verilib.

Xatırladaq ki, bu dəfəki konsert proqramında ilk dəfə olaraq baş prodüser, ideya müəllifi və ssenarist Müşviq Abbasovun yeniliyinə əsasən, Azərbaycan kinofilmlərindən korifey gülüş ustalarının iştirak etdiyi (Siyavuş Aslan, Səməndər Rzayev, Nəsibə Zeynalova, Hökumə Qurbanova, Yaşar Nuri və digərləri) kadrlar münayiş olunaraq, uyğun mahnılar səsləndirilib və yumor iştirakçılarının dilindən “ölmüş filmimizin dirçəlməsinə” dair replikalar izləyicilərə çatdırılıb. Yenilik tamaşıçılar tərəfindən uzunmüddətli alqışlarla müşahidə oliundu.

Heyətin “TəkƏr” proqramı ilə Londona qastrola gedəcəyi də bildirilib. İngiltərənin ən möhtəşəm zallarından birində yaxın zamanda “Bu şəhərdə”nin konserti baş tutacaq. Sonra isə yenidən Azərbaycana qayıdan yumor ustalarının Naxçıvana səfəri gözlənilir.