Azərbaycanın Qırğız Respublikasındakı səfirliyinin təşəbbüsü ilə 4 aprel 2018-ci il tarixində Bişkek Milli Akademik Opera və Balet Teatrında görkəmli yazıçı Mir Cəlal Paşayevin 110 illiyinə həsr olunmuş yubiley gecəsi keçiriləcək.

Musiqili Teatrdan Kult.az-a verilən məlumata görə, Bişkekdə ölkəmizi təmsil edəcək incəsənət ustalarından biri də Musiqili Teatrın solisti, beynəlxalq müsabiqələr laureatı, əməkdar artist Nərgiz Kərimova olacaq.

Aktrisa indiyə qədər vokal sənətinin nümayiş olunduğu bir neçə beynəlxalq və respublika səviyyəli layihələrdə uğurla iştirak edib, festival və müsabiqələrin qalibi olub.