31 mart saat 11:00-da azərbaycanlıların soyqırımı tarixinin 100 illiyi ilə bağlı Cəfər Cabbarlı adına İrəvan Dövlət Azərbaycan Dram Teatrı şair-dramaturq İftixarın “Soyqırımı tarixinin dastanı” əsəri İrəvan Teatrının binasında oynanılacaq.

Bu barədə Kult.az-a teatrın mətbuat katibi Teymur Bayramov məlumat verib.

O bildirib ki, tamaşanın quruluşçu rejissoru və tərtibatçı rəssamı Əməkdar mədəniyyət işçisi İftixar Piriyev, musiqi tərtibatçısı Çingiz Xəlilovdur.

Rollarda Əməkdar artist Vaqif Kərimov, aktyorlar Natiq Həziyev, Əmrulla Nurullayev, Müdvər Nemətova, Niyaməddin Səfərəliyev, Şəbnəm Cəbrayılova, Rövşən Cəfərov, Ruhiyyə Eyvazova, Sevinc Hüseynova, Ceyhun Əliyev, Tural Xəlilzadə, Güney Əliyeva və Bəhruz Hikmətoğlu çıxış edəcəklər.