“Bu şəhərdə” iyunun 16 və 17-də Tiflisdə konsert proqramı ilə çıxış edib.

Bu barədə Kult.az-a “Bu şəhərdə”nin rəhbəri Müşfiq Abbasov məlumat verib. Onun sözlərinə görə, Gürcüstanda yaşayan soydaşlarımızın “Bu şəhərdə”ni bu qədər sevdiklərini gözləmirlərmiş:

“Çox böyük coşğu və hərarətlə qarşılandıq. Doğrusu, Gürcüstanda bu cür sevildiyimizi bilmirdik”.

M.Abbasov konsertin təşkilində göstərdikləri dəstəyə görə Diasporla İş üzrə Dövlət Komitəsinin sədri Fuad Muradova, "SOCAR Petrolium Georgia” Şirkətinin rəhbəri Mahir Məmmədova, Azərbaycanın Gürcüstandakı səfiri Dursun Həsənova təşəkkür edib:

“Əlbəttə ki, bizi dəstəkləyən və ayaqüstə alqışlayan soydaşlarımıza təşəkkür və sevgimiz sonsuzdur”.