09:50

Bakıda qətl törədilib.

Nəsimi Rayon Prokurorluğundan APA-ya verilən məlumata görə, hadisə rayon ərazisində yerləşən mağazalardan birində qeydə alınıb.

Bakı şəhər sakini, 1961-ci il təvəllüdlü Vidadi Əziz oğlu Qarayev tanışı, 1994-cü il təvəllüdlü Gülpəri Rasim qızı Aslanlını bıçaqlayaraq öldürüb. V.Qarayev tutulub.

Faktla bağlı cinayət işi başlanıb, istintaq gedir.

***

İyulun 2-də Bakının Nəsimi rayonunda, Səməd Vurğun və Füzuli küçələrinin kəsişməsində yerləşən yeraltı keçiddəki mağazada 55 yaşlı iş adamının 22 yaşlı qızı qısqanclıq zəminində qətlə yetirməsi dəqiqləşib.

Lent.az-ın əldə etdiyi məlumata görə, hüquq-mühafizə orqanları tərəfindən saxlanılan Vidadi Qarayev Tərtər rayon sakini olan Gülpəri Aslanlı ilə bir müddət əvvəl tanış olduqlarını və aralarında münasibət yarandığını deyib. O, tanışını qısqanclıq zəminində öldürdüyünü etiraf edib.

Bildirilir ki, V.Qarayev 22 yaşlı qızın boğazına bıçaqla vuraraq onu öldürüb. G.Aslanlı Tərtərdə dəfn edilib.