Sabunçu rayonu ərazisində avtomobil oğurluğu olub.

Daxili İşlər Nazirliyinin (DİN) mətbuat xidmətindən Axar.az-a verilən məlumata görə, hadisə iyunun 29-da baş verib.

Xəzər RPİ 2-ci PB əməkdaşları tərəfindən aparılan araşdırma zamanı Rza Əhmədova məxsus VAZ-2107 markalı avtomobil üzərində Bakı şəhər sakini Elxan Abbasova məxsus QAZ-31 markalı avtomobilə aid dövlət qeydiyyat nişanları ilə Buzovna qəsəbəsində tapılıb.

Hadisəni törətməkdə şübhəli bilinən paytaxt sakini Zakir Mustafayev PB-ə gətirilib. Avtomobilə baxış zamanı VAZ-2107 markalı avtomobilə məxsus dövlət qeydiyyat nişanları yük yerində aşkar edilərək götürülüb.

Z.Mustafayev izahatında QAZ-31 markalı avtomobilə aid dövlət qeydiyyat nişanlarını Maştağa qəsəbəsi ərazisindən tapdığını deyib. Lakin araşdırma zamanı onun bu ilin yanvarın 24-də Yalçın Şükürova məxsus VAZ-2107 markalı avtomobili də qaçırdığı məlum olub.

Digər avtomobil oğurluğu isə Xəzər rayonunda qeydə alınıb.

İyulun 2-də Xəzər rayonunun Türkan qəsəbə sakini Əliqulu Quliyevə məxsus ZİL markalı avtomobil qaçırılıb.

Xəzər RPİ 1-ci PB əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən Bakı şəhər sakini Turac Məhərrəmov saxlanılıb.

Hər iki faktla bağlı cinayət işi açılıb.