Ötən ilin oktyabrında sürüşmə səbəbindən təmirə bağlanmış Bakı Beynəlxalq Avtovağzalının qarşısındakı yolda bərkitmə işləri yekunlaşıb.

Axar.az xəbər verir ki, hazırda avtobus dayanacağının yerləşdiyi və 250 metr uzunluğunda olan yolun bərpası istiqamətində işlər görülür. Bu gün isə əraziyə yeni asfalt qatı vurulacaq.

Azəravtoyol ASC-nin mətbuat katibi Anar Nəcəflinin Axar.az-a verdiyi məlumata görə, yer səthi 20-30 metr dərinlikdə bir neçə yerdən qazılıb, beton məhlul tökülüb.

Bundan başqa, mövcud istinad divarı ilə köməkçi yol üzərində yerləşən istinad divarı arasındakı ərazidə 1200 millimetr diametrində və 33,5 metr dərinlikdə 50 ədəd svay vurulub.