Azərbaycan Hava Yolları QSC (AZAL) ilə razılaşma çərçivəsində MS-21 sərnişin təyyarələrinin lizinqə verilməsinə dair müqavilə 2017-ci ilin ilk rübündə bağlana bilər.

APA-nın verdiyi xəbərə görə, bu barədə İlyuşin Finans Ko MMC-nin baş direktoru Aleksandr Rubtsov məlumat verib.

Təyyarələrin ilk uçuşunu gözlədiklərini deyən A.Rubtsov əlavə edib ki, detallı razılaşma hazırlanır.

Qeyd edək ki, bu ilin iyun ayında Rusiyanın lizinq şirkəti "İlyuşin finans" ilə "Azərbaycan Hava Yolları" (AZAL) arasında 10 ədəd МS-21 təyyarələrinin alışına dair memorandum imzalanıb.

Hazırda МS-21 sərnişin təyyarəsi "İrkut" şirkətində yığılır. Təyyarələrin 2018-ci ilin 4-cü rübündə Azərbaycana göndərilməsi nəzərdə tutulur.