Qəbələ rayon Aydınqışlaq kənd sakini Əhmədova İntizar Bəxtiyar qızı Şəki Polis Şöbəsinə rəsmi ərizə ilə müraciət edib.

Kanal S (Region TV) xəbər verir ki, müraciətdə Şəki sakini Sahib adlı şəxsin özünü vəkil kimi təqdim edərək, onun oğluna bir işdə köməklik etmək üçün ondan 400 manat dəyərində pul aldığı bildirilir. Şikayətçi qeyd edir ki, daha sonra pulu geri istədikdə, dələduz pulu qaytarmaqdan imtina edib. Araşdırmalar zamanı həmin şəxsin Şəki saini Abdürrəhmanov Sahib Qurban oğlu olduğu müəyyən olunub.

Dindirilmə zamanı isə saxlanılan şəxs özünün günahkar. əməlindən isə peşman olmadığını dilə gətirib: "Mən heç bir əməl törətməmişəm. Ona görə də peşmançılıq hissi keçirtmirəm. Pulunu da qaytarmışam".

Faktla bağlı Cinayət Məcəlləsinin 178-ci maddəsi ilə cinayət işi açılıb. Saxlanılan şəxsin digər vətəndaşları aldadıb-aldatmaması ilə əlaqədar araşdırmalar davam etdirilir.