Zaqatalada tülkü kəndə hücum edib.

Region TV xəbər verir ki, hadisə gecə rayonun Aşağı Tala kəndi ərazisində qeydə alınıb.

Kənd sakini Elnur Musayev səhər saatlarında heyvanlara yem vermək məqsədilə toyuq hininə girdikdə gördüklərindən dəhşətə gəlib. Tülkü evin divarından keçərək həyətə soxulub. 7 hindquşunu, 15-ə yaxın toyuğu boğaraq öldürüb və parçalayıb. Kənd sakinlərinin qənaətinə görə indiyədək həmin tülkü 100-ə yaxın toyuq-cücəni öldürüb. Ev sakini Elnur Musayev tələ qurmaq fikrinə düşüb. Axşam tülkü tələyə düşüb.

Ümumiyyətlə isə sakinlər kənddə vəhşi heyvanların və eləcə də sahibsiz itlərin sayının artmasından gileylənirlər.