Pensiya yaşına çatmayan vətəndaşın pensiya kapitalının bir hissəsi ilə bağlı Milli Məclisin Əmək və Sosial Siyasət Komitəsinin iclasında da təkliflər təqdim olunub.

Bu barədə Axar.az-a açıqlamasında millət vəkili, iqtisadçı alim Vüqar Bayramov deyib.

“Bəzi vətəndaşlarımız pensiya yaşına çatmamış dünyasını dəyişir. Ona görə, pensiyanın bir hissəsinin, hətta 30%-nin vərəsəsinə ödənməsi məsələsi iclasda təklif olunub. Dünya praktikasında pensiya kapitalının istifadəsi ilə bağlı fərqli yanaşamalar var. O cümlədən pensiya kapitalının bir hissəsinin bəzi ölkələrdə mənzil alınması üçün istifadə olunmasına icazə verilir.

Azərbaycanda da dünyasını dəyişən pensiyaçının pensiya kapitalından onun yoldaşı, əlilliyi olan övladı və 18 yaşına çatmamış uşağı istifadə edə bilir.

Müvafiq qurum tərəfindən qiymətləndirmə aparıldıqdan sonra pensiya kapitalının bir hissəsinin varisə ödənməsi məsələsi müzakirə oluna bilər. Bunun üçün maliyyə qiymətləndirməsi önəmlidir. Bütün hallarda bu istiqamətdə islahatların dərinləşməsi gözlənilir”, - o qeyd edib.