16:10

Mərkəzi Seçki Komissiyasının iclası başlayıb.

Axar.az xəbər verir ki, iclasda Ramil Həsənin deputat səlahiyyətinə xitam verilməsi və cari məsələlər müzakirə olunacaq.

Qeyd edək ki, Ramil Həsən bu il iyunun 12-də Türk Dövlətləri Parlament Assambleyasının (TÜRKPA) Qazaxıstanın paytaxtı Astanada keçirilən 14-cü plenar sessiyasında TÜRKPA Baş katibi seçilib.

Ramil Həsən vəzifəsinin icrasına bu gün başlayıb.

Xatırladaq ki, bundan əvvəl TÜRKPA Baş katibi vəzifəsini türkiyəli Mehmet Süreyya Er tutub. Ramil Həsən 2009-2013-cü illərdə də TÜRKPA Baş katibi olub.

***

Ramil Həsənin deputat səlahiyyətlərinə xitam verilib.

Bbu barədə Mərkəzi Seçki Komissiyasının (MSK) sədr müavini Rövzat Qasımov bu gün keçirilən iclasda deyib.

Onun sözlərinə görə, qərar səsvermə yolu ilə qəbul edilib.