Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi Azərbaycan Respublikasının mərkəzi icra hakimiyyəti orqanları tərəfindən təqdim edilən elektron xidmətlərin təşkili və göstərilməsi üzrə qiymətləndirmə fəaliyyəti proqramının icrasını davam etdirir.

Report-un xəbərinə görə, 15 dövlət qurumu (14 nazirlik və 1 dövlət komitəsi) üzrə elektron xidmətlərin təşkili və göstərilməsi üzrə qiymətləndirmə işi yekunlaşıb.

Vətəndaşlara Xidmət və Sosial İnnovasiyalar üzrə Dövlət Agentliyinin informasiya təminatı şöbəsinin müdiri Anar Hüseynov "Report"a açıqlamasında bildirib ki, mərkəzi icra hakimiyyəti orqanlarının göstərdiyi elektron xidmətlərin təşkili və göstərilməsi üzrə qiymətləndirmənin yekun nəticələri bu ilin sonunda açıqlanacaq.