Ana səhifə Toplum |
DİN-in əməkdaşları 4 rayonda çətənə kolu əməliyyatı həyata keçirib.
Nazirliyin mətbuat xidmətindən Axar.az-a verilən məlumata görə, Lənkəran ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində Yuxarı Nüvədi kəndində yaşayan Şahin Mustafayevin həyətindən 4 ədəd, Cil kəndində yaşayan Fərid Eyvazovun həyətindən isə 39 ədəd kultivasiya yolu ilə yetişdirilən çətənə kolu və 255 qram marixuana aşkar edilərək götürülüb.
Sabirabad RPŞ əməkdaşlarının həyata keçirdikləri əməliyyat-axtarış tədbirləri nəticəsində Cavad kəndində yaşayan Əli Səmədovun həyətindən kultivasiya yolu ilə yetişdirilən 9 ədəd çətənə kolu aşkar edilib.
Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində H.Z.Tağıyev qəsəbəsində yaşayan, əvvəllər məhkum olunmuş Əfqan Quliyevin evinin damında dibçəkdə kultivasiya yolu ilə yetişdirilən 2 ədəd çətənə kolu, evdən isə 430 qram marixuana aşkar edilərək götürülüb.
Ağstafa RPŞ əməkdaşları tərəfindən isə Eynallı kəndi ərazisində yabanı halda bitən, çəkisi 4 ton 800 kiloqram olan 8000 ədəd çətənə kolu aşkar edilərək məhv edilib.
Tarix
2016.07.26 / 15:16
|
Müəllif
Aytac Qədirova
|