Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Yanvar 2019


Dələduz baş redaktor həbs edildi - Foto

Ana səhifə Toplum
12 Punto 14 Punto 16 Punto 18 Punto

Lənkəranda dələduzluq yolu ilə vətəndaşların pulunu və əmlakını mənimsəyən qrup üzvləri ifşa olunub.

Report xəbər verir ki, biri qadın olmaqla üç nəfərdən ibarət dəstə üzvləri vətəndaşların polis şöbəsinə edilən şikayətləri nəticəsində Lənkəran Şəhər-Rayon Polis Şöbəsinin (LŞRPŞ) əməkdaşları tərəfindən saxlanılıb.

Şöbənin istintaq bölməsinin müstəntiqi, polis kapitanı, Toğrul Hüseynovun bildirdiyinə görə, ilk şikayət 20 iyul 2016-cı il tarixində Parakənd sakini tərəfindən daxil olub.

"Şikayət ərizəsində bildirilir ki, tanımadığı üç nəfər, bir qadın və iki kişi olmaqla "Azsamand" markalı 90 TE 971 dövlət qeydiyyat nişanlı avtomobil ilə vətəndaşın yaşadığı ünvana gəlib. Onlar özlərini Bakı şəhərindən gələn hüquq-mühafizə orqanı əməkdaşları kimi təqdim ediblər. Onun baxıcılıq fəaliyyəti ilə məşğul olmasını qanunsuz hesab edərək, saxlanılmasını və onlarla getməli olduğunu bildiriblər. Kənd sakini (Məmmədov Şahvələd Səttar oğlu, - red.) onlarla getmək istəmədikdə "işinin qaydaya qoyulması" üçün vətəndaşdan 2 min 500 manat pul tələb ediblər. Son nəticədə vətəndaşın 500 manatını ələ keçirərək aradan çıxıblar. Analoji hallar Kərgəlan, Şağlakücə kəndlərində də baş verib", - deyə Toğrul Hüseynov qeyd edib.

Lənkəran ŞRPŞ-nin əməkdaşları tərəfindən aparılan əməliyyat-axtarış tədbirləri nəticəsində qrup üzvlərinin hərəkət etdiyi "Azsamand" markalı avtomobil aşkar edilərək saxlanıldıqdan sonra, daha maraqlı faktlar üzə çıxıb.

Məlum olub ki, avtomobili Şirvan şəhərində qeydiyyatda olan, 1978-ci il təvəllüdlü Yəhyayev Fariz Fazil oğlu idarə edib. O, özünü "Xəbərfakt" informasiya portalının və "Presedent" ictimai-siyasi hüquq qəzetinin baş redaktoru kimi təqdim edib. Kəlbəcər şəhərində qeydiyyatda olan, Xırdalan şəhərində müvəqqəti məskunlaşmış, 1975-ci il təvəllüdlü Məmmədova İpək Yunus qızı özünü "Xəbərfakt" portalının və "Presedent" ictimai-siyasi hüquq qəzetinin redaktoru, Hacıqabul şəhərində qeydiyyatda olan, 1993-cü il təvəllüdlü Məmmədov İlkin Habil oğlu isə özünü həmən portalın xüsusi müxbiri kimi təqdim ediblər. Araşdırmalar nəticəsində məlum olub ki, İlkin Məmmədov müxtəlif vaxtlarda sakinlərdən informasiyalar toplayaraq dəstə üzvlərinə çatdırıb. Əsasən baxıcılıqla məşğul olan şəxsləri ifşa edəcəkləri ilə hədələyərək onların müxtəlif məbləğlərdə pul və digər əmlaklarını mənimsəyiblər.

Bundan başqa onlara məxsus əşyaların içərisində digər qonşu rayonların sakinlərinə aid müxtəlif arayışlar və sənədlər də aşkar edilərək maddi sübut kimi götürülüb. Aydın olub ki, dəstə üzvləri vətəndaşların etibarından istifadə edərək aztəminatlı ailələrin sosial yardım almaları üçün köməklik göstərəcəklərinə vədlər veriblər.

Faktla bağlı zəruri tədbirlər davam etdirilir.

Tarix
2016.08.01 / 01:15
Müəllif
Axar.az
Şərhlər
Загрузка...
Digər xəbərlər

Yeni agentliyə sədr təyin olundu

Ali məktəb gəlirlərinin 40%-i müəllimlərə sərf ediləcək

Düşmən mövqelərimizi atəşə tutdu

Dövlət ali məktəblərinin nizamnaməsi təsdiqləndi

Bu yol bağlandı: böyük tıxac - Foto

Bakı Limanı bu statusa malik ilk liman olacaq - Foto

Bu il Bakıda 2 mötəbər tədbir keçiriləcək - Video

Daha bir xəbərdarlıq: uşaqları bağçaya aparmayın

Avtomobili sığorta olunan şəxsə 3 dəfə cərimə yazıldı - Video

Türkiyədə pis hava: Ankara-İstanbul şosesi də bağlandı

KULT
<>
Xəbər xətti
 
Axar.az'da reklam Bağla
Reklam
Bize yazin Bağla