13:24

Zərdabda "Toyota" markalı minik maşını idarəetmədən çıxaraq aşıb.

Axar.az Report-a istiandən xəbər verir ki, hadisə Zərdab-Kürdəmir avtomobil yolunun rayon ərazisindən keçən hissəsində qeydə alınıb.

Qəza nəticəsində 2 nəfər ölüb, 4 nəfər isə xəsarət alıb.

Məlumata görə, xəsarət alanlar rayonun Bıçaqçı kənd sakinləri olan bir ailənin üzvləri olan - Məftun Məmmədov, Sona Məmmədova, Rəna Məmmədova və Uğur Məmmədovdur (azyaşlı).

Qəza zamanı İntiqam Knyaz oğlu Məmmədov (azyaşlı) və Tunar Məmmədov ölüb.

Digər azyaşlının vəziyyətinin ağır olduğu bildirilib.

Qeyd edilib ki, qəza törədən avtomobilin sürücüsü M.Məmmədov Muğam Müsabiqəsinin iştirakçısı olub və yarışmada 3-cü yeri tutub.

Faktla bağlı araşdırma aparılır.

***

Zərdabda iki nəfərin ölümü ilə nəticələnən qəzada xəsarət alanların diaqnozları məlum olub.

Məlumata görə, hazırda 5 nəfər müalicə alır.

Bildirilib ki, İntiqam Knyaz oğlu Məmmədov (1966) hadisə yerində ölüb, Tunar Məftun oğlu Məmmədli (2023) ağır kəllə beyin travması alıb və beyindaxili qanaxmadan ölüb.

Xəsarət alanlardan Sona Tehmir qızı Məmmədovada (1995) sol körpücük sümüyünün sınığı, sol tərəfli qabırğaların çoxsaylı sınığı, Raya Sərkər qızı Məmmədovada (1969) sol tərəfli 1-ci əl sümüyünün sınığı, Məftun İntiqam oğlu Məmmədovda (1991) döş qəfəsinin travması, qabirğaların sınığı, Uğur Məftun oğlu Məmmədovda (2017) səthi zədələnmə dəri sıyrığı, İntiqam Məftun oğlu Məmmədlidə (2016) səthi zədələnmə, dəri sıyrığı qeydə alınıb.

***

Unikal-ın məlumatına görə, qəza nəticəsində ölən 59 yaşlı İntiqam Məmmədov Məftun Məmmədovun atası, 2 yaşlı Tunar Məmmədli isə oğludur.

Hadisə zamanı xəsarət alan sürücü (Məftun Məmmədov), anası, həyat yoldaşı və iki övladı xəstəxanaya yerləşdirilib.