Azərbaycanda 4 nəfərdən narkotik vasitə götürülüb.

Axar.az DİN-in saytına istinadən xəbər verir ki, Sabunçu rayon 15-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Pirşağı qəsəbəsində yaşayan Elşən İbadovun evinə baxış zamanı 23 dibçəkdə 490 qram çətənə kolu və 650 qram marixuana aşkar edilib.

Ağdaş rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Pərviz Məmmədovdan 3,14 qram, yaşadığı evə baxış zamanı 1,94 qram və "Daewoo" markalı avtomobilinə baxış zamanı isə 465 qram marixuana götürülüb.

Neftçalada polis əməkdaşlarının həyata keçirdikləri əməliyyat-axtarış tədbirləri nəticəsində Bankə qəsəbəsinin sakini, əvvəllər məhkum olunmuş Rafiq Mustafayevin həyətyanı sahəsindən kultivasiya yolu ilə yetişdirilmiş 11 ədəd çətənə kolu aşkarlanıb.

Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində isə şəhər sakini, əvvəllər məhkum olunmuş Əziz Hacıyevin həyətyanı sahəsindən kultivasiya yolu ilə yetişdirilmiş 13 ədəd çətənə kolu götürülüb.

Hər bir faktla bağlı araşdırma aparılır.