Xəbər verdiyimiz kimi, kənd təsərrüfatı nazirinə iki müavin təyin edilib: indiyədək nazirlikdə müşavir postunu tutan Zaur Əliyev və Bitkiçiliyin təşkili və monitorinq şöbəsinin müdiri Seymur Səfərli nazir müavini vəzifəsinə təyinat alıb.

Axar.az xəbər verir ki, kənd təsərrüfatı nazirinin müavini Sarvan Cəfərov isə vəzifəsindən azad edilib.

“Unikal” işdən çıxarılan nazir müavini S.Cəfərovun deputat Kamal Cəfərovun əmisi oğlu olduğunu yazıb.

Qeyd edək ki, 1985-ci il təvəllüdlü Sarvan Cəfərov 2018-2020-ci illərdə Kənd Təsərrüfatı Nazirliyində nazirin köməkçisi və müşaviri olub. 2020-ci ilin mart ayından nazirlikdə Aparat rəhbəri vəzifəsində işləyib. Həmin ilin iyul ayından isə kənd təsərrüfatı nazirinin müavini vəzifəsinə təyin edilib.