"Ekonomist" jurnalı 2016-cı il il üçün dünyanın "ən yaşamalı şəhərləri"nin reytinq cədvəlini açıqlayıb.

Axar.az xəbər verir ki, siyahıda Kanada və Avstraliyanın şəhərləri üstünlük təşkil edib:

Melburn (Avstraliya), Vyana (Avstriya), Vankuver (Kanada), Toronto (Kanada), Kalyari (Kanada), Adelaida (Avstraliya), Pert (Avstraliya), Auklənd (Yeni Zelandiya), Helsinki (Finlandiya) və Hamburq (Almaniya).

Dünyanın "ən az yaşamalı" şəhərləri isə Kiyev, Duala (Kamerun), Harare (Zimbabve), Kəraçi (Pakistan), Əlcəzair, Dəkkə (Banqladeş), Tripoli (Liviya) və Dəməşqdir (Suriya).

Hesabatda Azərbaycanın adı xüsusilə çəkilib. Paytaxtı Bakı yaxşılığa doğru dəyişən "yaşamalı şəhərlər" sırasına salınıb. Son beş ildə Bakının reytinqi 1,6 faiz yaxşılaşıb. Bakının ümumi yeri isə 140 şəhərin arasında 103-cüdür.

Yaşama şəraiti yaxşılaşan şəhərlərin sırasında Bakıdan başqa Dubay (74), Küveyt (81), Bratislava (63) və Varşava (65) da var.

Bununla belə, ümumi reytinqdə 126-cı yeri tutan Tehran bu kateqoriyada ən heyrətamiz nəticəni göstərib. Bu şəhərdə yaşama şəraiti son beş ildə 5 faiz yaxşılaşıb.