10:40

Ağdamda kişi həyat yoldaşına balta ilə xəsarət yetirib.

Axar.az Teleqraf-a istinadən xəbər verir ki, hadisə rayonun Mahrızlı kəndində baş verib.

Kənd sakini, həbsdən yeni çıxan Ceyhun Ağali oğlu Salahov həyat yoldaşı Gülzəndə Abbas qızı Salahovaya çoxsaylı balta zərbəsi ilə xəsarət yetirib.

Hadisə yerinə təcili tibbi yardım və hüquq-mühafizə orqanlarının əməkdaşları cəlb edilib.

Gülzadə Salahovanın vəziyyətinin ağır olduğu bildirilir.

DİN-in Mətbuat Xidmətinin Bərdə regional qrupundan vurğulanıb ki, polis əməkdașlarının keçirdikləri tədbir zamanı Ceyhun Salahov saxlanılıb.

Faktla bağlı araşdırma aparılır.

***

Ağdamda əri tərəfindən baltalanan qadın Mingəçevir şəhərində yerləşən Regional Hospitala köçürülüb.

Balta ilə xəsarət yetirilən Gülzəndə Salahova hadisədən sonra Ağdam Rayon Mərkəzi Xəstəxanasına yerləşdirilmişdi.

Ona qapalı kəllə-beyin travması, başın və bədənin müxtəlif nahiyələrinin çapılmış, kəsilmiş yaraları diaqnozları təyin olunub və zəruri tibbi yardım göstərilmişdi.