İnsanlar dövlət əmlakına maddi ziyan vurmaqla dolayısı ilə özlərinə də ziyan vurmuş olurlar.

Axar.az xəbər verir ki, bu sözləri Azəryolservis ASC-nin mətbuat xidmətinin rəhbəri Anar Nəcəfli Feysbuk səhifəsində yazıb. O, 3-4 ay öncə təmir edilən Nizami rayonunun Naxçıvanski küçəsinin Qara Qarayev prospekti ilə kəsişməsində yol kənarında bardürlərin insanlar tərəfindən dağıdılmasını kəskin qınayıb:

"Bura 3-4 ay bundan öncə təmir edilən Nizami rayonu Naxçıvanski küçəsinin Qara Qarayev prospekti ilə kəsişməsidir. Elə bil düşmən malıdır! Bunu edən insanlar bir şeyi anlamırlar ki, buranın təmiri üçün dövlət büdcəsindən müəyyən məbləğdə vəsait ayrılır. Dövlət büdcəsinin bir hissəsi də vətəndaşların ödədiyi vergilər hesabına formalaşır. Dövlət əmlakına maddi ziyan vurmaqla həmin insanlar dolayısı ilə özlərinə ziyan vurmuş olurlar. Hələ mən bunun digər tərəflərini demirəm..."