Sabah "Hökumət-Vətəndaş Cəmiyyəti dialoq platforması"nın təsis yığıncağı keçiriləcək.

Prezident yanında Qeyri-Hökumət Təşkilatlarına Dövlət Dəstəyi Şurasının katibliyindən Axar.az-a verilən məlumata görə, yığıncaq dövlət qurumları, vətəndaş cəmiyyəti institutları, mətbuat nümayəndələrinin iştirakı ilə baş tutacaq.

Xatırladaq ki, Azərbaycan prezidentinin 27 aprel 2016-cı il tarixli sərəncamı ilə təsdiq edilmiş "Açıq hökumətin təşviqinə dair 2016-2018-ci illər üçün Milli Fəaliyyət Planı"nda "Açıq hökumət tərəfdaşlığı" vətəndaş cəmiyyəti platformasının yaradılmasının və fəaliyyətinin dəstəklənməsinin icrası Qeyri-Hökumət Təşkilatlarına Dövlət Dəstəyi Şurasına həvalə edilib.