10:38

Aznyus.az saytının baş redaktoru vəzifəsinə təyinat hələlik gerçəkləşməyib.

Bu barədə Axar.az-a Aznyus.az-dan məlumat verilib. Saytdan bildirilib ki, mediada saytın baş redaktoru təyin edilməsi ilə bağlı iki müxtəlif xəbər yayılsa da, hələlik heç kim kollektivə təqdim edilməyib.

Xatırladaq ki, bu gün səhər bu posta tanınmış jurnalist Əvəz Qurbanlının təyin olunması barədə məlumat yayılmışdı. Ə.Qurbanlı isə Bizimxeber.az-a açıqlamasında bu xəbəri təkzib etmişdi.

Ölkə.az isə bu posta tanınmış telejurnalist Ceyhun Əsgərovun gətirildiyi barədə xəbər yayıb.

Xatırladaq ki, uzun müddət Aznyus.az saytının baş redaktoru vəzifəsində çalışan Elçin Zahiroğlu sentyabrın 7-də tutduğu postdan istefa verib.