Qənirə Paşayeva bir neçə gün əvvəl güclü külək nəticəsində zərər dəyən Qovlar şəhərinin sakinləri ilə görüşüb, onların qayğıları ilə maraqlanıb.

Axar.az xəbər verir ki, sakinlərin ən çox müraciətləri iş, mənzil problemləri, xəstəliklərin müalicəsi, ünvanlı sosial yardım almaq istiqamətində olub.

Müraciətləri dinləyən millət vəkili onların problermləri ilə bağlı müvafiq qurumlara müraciət edəcəyinə dair söz verib.

Q.Paşayeva görüş zamanı ona müraciət edən xəstələrin yüksək səviyyəli müalicə almaları və əməliyyat olunmaları üçün Səhiyyə Nazirliyi ilə əlaqə saxlayaraq onların Bakıda və ya Rayon Mərkəzi Xəstəxanasında yerləşdirilməsini təşkil edib.

Millət vəkili fiziki əngəlli insanların müraciətləri və onların öz həllini tapması üçün Əmək və Əhalinin Sosial Müdafiəsi Nazirliyi və qurumun rayondakı nümayəndələri ilə müzakirələr aparıb, bir sıra I və II qrup əlillərin reablitasiya mərkəzində müalicə almaları üçün müvafiq qurumlara göstəriş verib.

Deputat vətəndaşların təhsil, elektrik, qaz, su problemlərinin həlli istiqamətində də müvafiq qurumlarla tapşırıqlar verib.