Moskva, lazım gələrsə, Dnestryanıdakı Rusiya vətəndaşlarını qorumaq üçün bütün mümkün vasitələrdən istifadə edəcək.

Axar.az xəbər verir ki, bunu Rusiya Təhlükəsizlik Şurasının katibi Sergey Şoyqu "Komsomolskaya Pravda"ya verdiyi müsahibədə deyib.

"Dnestryanıda 220 mindən çox Rusiya vətəndaşı yaşayır və onların maraqları və təhlükəsizliyi Kiyev və Kişinyovun məsuliyyətsiz hərəkətləri səbəbindən təhlükə altındadır. Lazım gələrsə, Rusiya bütün lazımi addımları atacaq və onları konstitusiyaya uyğun olaraq qorumaq üçün bütün mümkün vasitələrdən istifadə edəcək", - Şoyqu vurğulayıb.

O, həmçinin qeyd edib ki, Rusiya Kişinyovun Dnestryanı ilə bağlı bütün mümkün ssenarilərini, o cümlədən ən gözlənilməz olanları belə izləyir.

Qeyd edilir ki, Şoyqunun bu açıqlamasına səbəb Ukrayna Prezident Ofisinin rəhbəri Kirill Budanovun Ukrayna ordusunun Dnestryanıya nəzarəti ələ keçirməsi ehtimalı ilə bağlı açıqlamaları olub.