Bir gənc velosipedə mühərrik quraşdıraraq onu motosikletə çevirib.

Axar.az Xəzər Xəbər-ə istinadən xəbər verir ki, mühərriki velosipedə Abşeron rayon Xırdalan şəhər sakini kustar usulla quraşdırıb.

Bu gənc bir neçə vaxtdır ki, velosipedi bu cür idarə etdiyini deyir. O, motosikletdən fərqlənməyən bu nəqliyyat vasitəsi ilə əsas yolda avtomobillərin arasında saatda 30-40 km sürətlə hərəkət edir.

Qanunla qadağan edilməsə də, bu cür nəqliyyat vasitəsi ilə hərəkət etmək olduqca təhlükəlidir. Yol hərəkəti üzrə ekspert Ərşad Hüseynovun sözlərinə görə, velosipedə mühərriki istehsalçı zavod və ya işin mütəxəssisi quraşdıra bilər.

Gənc velosipedini motosikletə bənzətməklə bir qədər fərqlik etsə də, yol polisi onu istənilən vaxt saxlayıb cərimə edə bilər. Ən azından bu, bütün yol hərəkət iştrakçılarına təhlükə yaradır.