2016-cı ilin yanvar-iyul aylarında ümumi daxili məhsul azalıb.

Dövlət Statistika Komitəsindən Axar.az-a verilən məlumata görə, ölkədə ümumi daxili məhsulun həcmi 32122,6 milyon manat (əvvəlki ilin eyni dövrünə nisbətən 3 faiz az) olub.

Azalmanın əsas səbəbi tikinti sektorunda istehsalın 30,7 faiz azalması olub.

İnformasiya və rabitə sahələrində əlavə dəyər 12,5 faiz, turistlərin yerləşdirilməsi və ictimai iaşə sahələrində 3 faiz, emal sənayesində 2,8 faiz, kənd təsərrüfatı, meşə təsərrüfatı və balıqçılıq sahələrində 2,6 faiz, mədənçıxarma sənayesində 2,5 faiz, ticarət, nəqliyyat vasitələrinin təmiri sahələrində isə 2,0 faiz artıb.

Cari ilin yanvar-iyul ayları ərzində istehsal olunmuş ümumi daxili məhsulun 35,2 faizi neft-qaz sektorunun, 64,8 faizi isə iqtisadiyyatın qeyri-neft sahələrinin payına düşüb.

Bu dövrdə əhalinin hər nəfərinə düşən ümumi daxili məhsul 3340,6 manata bərabər olub.