Milli Şura Bakıda mitinq keçirib.

"Məhsul" stadionunda keçirilən və Bakı Şəhər İcra Hakimiyyəti ilə razılaşdırılmış aksiyada təhlükəsizlik tədbirləri Bakı Şəhər Baş Polis İdarəsinin əməkdaşları tərəfindən həyata keçirilib.

Lent.az-ın aksiyada iştirak edən əməkdaşının verdiyi məlumata görə, mitinqə çox az sayda cəbhəçi toplaşıb. Maraqlıdır ki, mitinq Milli Şura adından təşkil olunsa da, aksiyada yalnız cəbhəçilər iştitak edib. Eyni zamanda, mitinqdə ilk çıxışı da Milli Şuranın sədri Cəmil Həsənli yox, Əli Kərimli edib.

Məlumata görə, mitinqdə cəmi 800 nəfərə yaxın şəxs iştirak edib.

Xatırladaq ki, mitinqdən əvvəl Milli Şuranın koordinatorları mitinqdə "on minlərlə şəxsin iştirak edəcəyi" barədə proqnozlar vermişdilər.