Siqaret qaçaqmalçılığı ilə bağlı başlanmış cinayət işi üzrə həbs edilən Bakı Hövsan Beynəlxalq Ticarət Dəniz Limanı ASC-nin rəhbəri Ruslan Eyyubov barəsində qərar verilib.

Axar.az APA-ya istinadla xəbər verir ki, bununla bağlı iyunun 4-də Binəqədi Rayon Məhkəməsində qərar qəbul edilib.

Qərara əsasən, təqsirləndirilən Ruslan Eyyubovun barəsində seçilmiş həbs qətimkan tədbiri ev dustqalığı qətimkan tədbiri ilə əvəzlənib.

Təqsirləndirilən şəxs Baş Prokuror yanında Korrupsiyaya qarşı Mübarizə Baş İdarəsində başlanan cinayət işi üzrə saxlanılıb. Ötən ilin dekabr ayında barəsində həbs qətimkan tədbiri seçilib.