3 nömrəli marşrut xətti üzrə hərəkət edən "Bakı Bus"a məxsus avtobusda kondisionerin işləməməsi etiraza səbəb olub.

Axar.az xəbər verir ki, sözügedən olay “Dərnəgül” metrosundan “Gəncliy”ə gedən istiqamətdə baş verib.

Sərnişinlər sərnişin sıxlığı olan avtobusda isti havanın boğucu hala gəlməsini səbəb göstərərək, kondisionerin qoşulmasını tələb ediblər. Sürücü isə buna cavab olaraq kondisionerin xarab olduğunu deyib. Bu isə mübahisə yaradıb.

Qeyd edək ki, sözügedən istiqamət üzrə sərnişinlərin digər şikayəti də avtobusların 25-30 dəqiqə intervalla işləməsidir.

Xatırladaq ki, bir neçə gün öncə Bakı Bus MMC şirkətin istismarında olan bütün avtobusların kondisioner sistemi ilə təchiz edildiyini açıqlayıb.