17:15

Lənkəran rayonunda bir nəfərin şəlalədə çimərkən batması ilə bağlı məlumat daxil olub.

Axar.az Teleqraf-a istinadla xəbər verir ki, hadisə rayonun ucqar dağ kəndlərindən olan Biləsər kəndi ərazisində, Hirkan Milli Parkında yerləşən Bum şəlaləsində baş verib.

Məlumata görə, FHN-in Cənub Regional Mərkəzinə bir nəfərin suda batması barədə məlumat daxil olduqdan sonra hadisə yerinə Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri, eləcə də hüquq-mühafizə orqanlarının əməkdaşları cəlb olunublar.

Hazırda batdığı ehtimal olunan şəxsin tapılması və kimliyinin müəyyənləşdirilməsi istiqamətində axtarış-xilasetmə tədbirləri davam etdirilir.

***

Lənkəran rayonu, Biləsər kəndi yaxınlığında yerləşən Biləsər şəlaləsində batan şəxsin meyiti sudan çıxarılıb.

Bu barədə Fövqəladə Hallar Nazirliyi məlumat yayıb.

Dalğıclar tərəfindən 1994-cü il təvəllüdlü Elvin Asif oğlu Quliyevun meyiti suda tapılıb çıxarılaraq aidiyyəti üzrə təhvil verilib.

Hadisə ilə əlaqədar müvafiq qurumlar tərəfindən araşdırma aparılır.