17:33

Ağdamda 60 hektardan artıq ərazidə yanğın başlayıb.

Axar.az Teleqraf-a istinadla xəbər verir ki, hadisə rayonun Kəngərli kəndində açıq ərazidə quru ot və kol olan hissədə baş verib.

Əraziyə FHN-in Ağdam rayonunun yanğınsöndürən bölməsinin iki maşını və şəxsi heyəti cəlb olunub. Yanğın geniş əraziyə yayıldığından, əlavə olaraq FHN-in Xocalı rayon yanğınsöndürən bölməsinin bir avtomobili və şəxsi heyəti də köməyə cəlb edilib.

Hazırda yanğınsöndürmə əməliyyatları davam etdirilir.

***

Ağdamda baş verən genişmiqyaslı yanğın söndürülüb.

Quru otlaq ərazidə alovlanması mümkün olan bütün yanğın ocaqları aşkar edilərək söndürülüb.

Hazırda ərazi tam nəzarət altındadır.