Azərbaycanın keçmiş dövlət müşaviri, yazıçı-dramaturq Hidayət Orucovun cənazəsi Türkiyənin İstanbul şəhərindən Bakıya gətirilib.

Axar.az Ölkə.az-a istinadla xəbər verir ki, mərhum paytaxtın Binəqədi rayonunda yerləşən qəbiristanlıqda dəfn olunub.

H.Orucov öz vəsiyyətinə uyğun olaraq, oğlunun məzarı yanında torpağa tapşırılıb.

“Dəfələrlə demişdi ki, məni oğlumun yanında dəfn edin. Vəsiyyətini yerinə yetirdik” - yaxınları bildiriblər.

Mərhumun yas mərasimi iyunun 17-də Bakının Təzəpir məscidində keçiriləcək.

Qeyd edək ki, görkəmli yazıçı-dramaturq, publisist, tərcüməçi, dövlət xadimi və diplomat, Əməkdar incəsənət xadimi Hidayət Orucov iyunun 13-də Türkiyənin İstanbul şəhərində, ömrünün 82-ci ilində vəfat edib.