Sosial şəbəkədə yayılan kadrlarda bir azyaşlının sürətli yoldan keçmək istədiyi görünür. Bu zaman uşaq dəmir arakəsmələrin arasında qalır. Ərazidə xidmət aparan Baş Dövlət Yol Polis İdarəsinin Yol Patrul Xidməti Alayının 1-ci tağımının əməkdaşları ayırıcı zolağın içərisində köməksiz vəziyyətdə qalan uşağı görürlər və ona kömək məqsədi ilə geri qayıdırlar. Polisdən biri yolda hərəkəti dayandırır, digəri isə uşağı təhlükəsiz şəkildə yoldan keçirir.

Axar.az xəbər verir ki, görüntülər Bakı-Quba yolunun 47-ci km-də qeydə alınıb.

İnspektor uşağa yaxınlaşıb onu dəmir ardəmirlərin arasından çıxararaq təhlükəsiz yolu keçirir.

Baş Dövlət Yol Polis İdarəsinin şöbə rəisi Kamran Əliyevin Xəzərxəbər-ə verdiyi məlumata görə, belə polis əməkdaşları hər zaman mükafatlandırılır.