Ana səhifə Toplum |
Bakıda qətl hadisəsi törədilib.
APA-nın məlumatına
Bakı şəhər sakini İlhamə Talıbovanın bıçaqla qətlə yetirilmiş
meyiti Binə qəsəbəsində tapılıb. Yerli sakinlər dəmiryol
stansiyasının yaxınlığında qadın meyiti tapılması barədə
hüquq-mühafizə orqanlarına məlumat veriblər.
Əraziyə baxış keçirən polis və prokurorluq əməkdaşları qətlə
yetirilənin 45 yaşlı İlhamə Eynulla qızı Talıbova olduğunu
müəyyənləşdiriblər. Ekspertlər qadının üzərində 13 bıçaq yarası
müəyyən ediblər. Qətlin Suraxanı rayonu ərazisində törədildiyi də
məlum olub.
Daha sonra əməliyyatçılar qətli törətməkdə şübhəli bilinən şəxsin
izinə düşərək, axtarışlara başlayıblar. Məlum olub ki, qətli
törədən şəxs Nardaran sakini, 51 yaşlı Azər Şəmsəddin oğlu
Ağayevdir. İlhamə Talıbova və Azər Ağayev arasında sevgi
münasibətləri olub.
Polis əməkdaşları Azər Ağayevi ğır vəziyyətdə şəhər
xəstəxanalarından birində tapıblar. O, ağır yol qəzası nəticəsində
aldığı xəsarətlərə görə xəstəxanaya yerləşdirilib. Xəstəxanada
dindirilən Ağayev qeyr-rəsmi nikahda yaşadığı İlhamə Talıbovanın
meyitini atdıqdan sonra avtomobillə oradan uzaqlaşdığını və yolda
qəzaya düşdüyünü bildirib.
Saxlanılan Azər Ağayev ifadəsində İlhamə Talıbovanı qısqanclıq
zəminində öldürdüyünü bildirib.
Faktla bağlı Suraxanı Rayon Prokurorluğunda cinayət işi başlanıb,
istintaq davam edir.
Tarix
2016.10.27 / 01:28
|
Müəllif
Axar.az
|