Ayfon-7 və Ayfon-7 Plus cihazlarını Azərbaycanda rəsmi təqdim edən mobil operator Azərsell Telekom MMC müştərilərinə yeni təklifini elan edir.

Şirkətdən Axar.az-a verilən məlumata görə, güzəştli şərtlərlə Ayfon-7 telefonuna sahib olmaq üçün abunəçilər ayda cəmi 89 AZN ödəməklə ən müasir smartfon cihazı və 30 gb həcmində hədsiz internet paketini əldə edəcəklər. 28 oktyabr – 4 noyabr tarixləri ərzində sifarişlərini öncədən həyata keçirən abunəçilər isə ilk ay üçün ödəniləcək məbləğə 50 faiz endirim qazanacaqlar.

Öncədən sifariş kampaniyasına qoşulmaq üçün abunəçilər 28 oktyabr – 4 noyabr tarixləri ərzində "Azərsell"in rəsmi veb-səhifəsindən (www.azercell.com) sifarişi qeyd etməli, 4-6 noyabr tarixlərində isə "Azərsell"in Z.Tağıyev 18, B.Bağırova 2, 28 May 33A ünvanlarında yerləşən Müştəri Xidmətləri Mərkəzlərinə yaxınlaşmalıdırlar.

Qeyd edək ki, Ayfon-7 və Ayfon-7 Plus mobil telefonları Ayfonun ən yeni nəsil modelləri olub, yeni kamera sistemi, ən uzunömürlü batareyaya və suya, toza davamlılığı ilə seçilir.