Avropada daha bir gənclər təşkilatı yaranıb.

Bu barədə Axar.az-a məlumatı yeni yaranan təşkilatın sədri İlkin Hüseynov verib.

O bildirib ki, belə bir qurumun yaranması ideyası çoxdan vardı və bu, Belçikada xeyli sayda azərbaycanlı gəncin olması ilə bağlıdır?

“Belçikada işləyən və universitetlərdə təhsil alan xeyli azərbaycanlı gənc var. Onların qurum ətrafında birləşməsi və ortaq hərəkət etməyimiz Azərbaycan həqiqətlərinin dünyaya çatdırılmasına müsbət təsir göstərər. Belçika-Azərbaycan Gənclər Təşkilatı Belçika-Azərbaycan Dostluq Cəmiyyəti ilə və Avropanın digər ölkələrində fəaliyyət göstərən diaspor təşkilatları sıx əməkdaşlıq çərçivəsində birgə fəaliyyət göstərəcək”.

Belçika-Azərbaycan Dostluq Cəmiyyətinin sədri Ayhan Dəmirçi təşkilatın yaranmasını alqışladığını bildirib: “İlkin Hüseynov bacarıqlı və vətənpərvər gəncdir. Onu neçə ildir ki, tanıyıram. O, Azərbaycanla bağlı keçirilən tədbirlərdə fəal iştirak edib. Ölkəmizi layiqincə təmsil edir. Hər görüşdə xaricilərə Azərbaycan və Qarabağ həqiqətləri haqqında geniş məlumat verir. Təşkilatın uğur qazanacağına inanıram”.