Yuxarı

Heydər Əliyev prospektində kameralar niyə işləmir?

Ana səhifə Toplum
12 Punto 14 Punto 16 Punto 18 Punto

Dövlət Yol Polisinin yüksək rütbəli əməkdaşı sentyabr ayının 10-da paytaxtın ən böyük - Heydər Əliyev prospektində baş verən qəzadan sonra aciz olduğunu söyləyib.

Tanınmış şair, tarix üzrə fəlsəfə doktoru Həyat Şəmi (Şamiyeva Həyat Rəhman qızı) 10 UR 704 dövlət nömrə nişanlı "Toyota Yaris" markalı avtomobillə "Koroğlu" metrosu istiqamətində hərəkət edərkən ağ rəngli VAZ 2107 "Jiquli" onu arxadan vuraraq aradan çıxıb. Xanım–sürücü Nərimanov rayon Polis İdarəsinə müraciət edib və qəza törədib qaçan maşının təxmin etdiyi nömrəsini deyib. Rəis, polkovnik-leytenant Tofiq Quliyevlə görüşmək cəhdi baş tutmayıb. Həyat xanımı Yol-patrul idarəsinin Qəhrəman adlı əməkdaşı qəbul edib. Xanımdan bütün sənədlərinin sürətini alan Nərimanov RPİ-nin yol polisi şöbəsinin rəisi isə deyib ki, Heydər Əliyev prospektində kameralar yoxdu, olanlarsa işləmir, ona görə də onu tapmaq mümkün olmayacaq: "Biz acizik".

"Maraqlıdır, əgər paytaxtın ən böyük prospektində kameralar yoxdursa, bəs həmin prospektdə sürət həddini aşan onlarla maşını cəriməyə cəlb edən görüntülər necə əldə edilir?" - deyən xanım sürücünün haqlı sualını Daxili İşlər Nazirliyinin müvafiq idarələrinə ünvanladıq. Bakı şəhər Dövlət Yol Polisi İdarəsinin mətbuat xidməti ilə əlaqə saxladıq. Xidmətin əməkdaşı prospektdə kameraların işlək olduğunu dedi.

"Nəqliyyatın intellektual idarə edilməsi və təhlükəsizliyi xidməti" idarəsi ilə də əlaqə saxladıq. Xidmətin növbətçi əməkdaşı polis çavuşu Həsən Məmmədov şəhərin bütün küçə və prospektlərinin görüntülərinin aydın göründüyünü və kameraların işlək olduğunu dedi. Konkret Heydər Əliyev prospekti ilə bağlı isə bunu əlavə etdi ki, prospektin həm əsas, həm də köməkçi yolları nəzarətdədir.

Tarix
2013.09.17 / 12:25
Müəllif
Axar.az
Digər xəbərlər

Hind şirkətləri Azərbaycana tur paketlərin satışını dayandırır

Moskvada paradda bu ölkələrin hərbçiləri iştirak etdi - Siyahı

İlk dəfə: Heydər Əliyev haqda məşhur film farsca – Video

Əliyev Moskvaya getmədi - Saakaşvili nələr yazdı?..

Rus və alman siyasətçilər Bakıda gizli görüş keçirdi

İlham Əliyev Xocalıda... - Foto

Putin azərbaycanlı polkovniklə salamlaşdı - Video

Hindistan-Pakistan savaşı olacaq, qalib isə… - Ekstrasens

Tarix necə dəyişdi? – 9 Mayla bağlı maraqlı sənəd - Foto

Yaxınlarda sülh sazişi ilə bağlı yaxşı xəbər ola bilər - Mirzoyan

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla