Bu məsələdə qanuni yollarla hərəkət etmək çox vacibdir.

Bu sözləri hüquq eksperti Xəyal Bəşirov qeyri-qanuni yollarla övladlığa uşaq götürənlər haqda Axar.az-a danışarkən deyib. O bildirib ki, əgər bir ailə uşağını başqa ailəyə verirsə, yenidən həmin övladının üzərində haqq tələb edə bilməz:

“Əgər hər hansı bir ailə uşağına baxa bilmədiyini desə və başqa ailəyə qanuni yollarla övladını versə, uşağı götürən ailə haqda cinayət işi başladıla bilməz. Amma bunu qanuni yollarla etməsə, bu, uşaq oğurluğu sayıla bilər. Uşağını məhkəmə yolu ilə verən ailə həmin uşaq üstündə bir daha haqq tələb edə bilməz”.

Qeyd edək ki, statistikaya əsasən, Azərbaycanda son 2-3 ildə qanunsuz uşaq götürmək məsələsi ilə bağlı məhkəmə çəkişmələri artıb.