AzTV-nin əməkdaşı, tanınmış jurnalist Ağanisə Sultanovanı maşın vurub. Bu barədə A.Sultanovanın həmkarı onun Feysbuk səhifəsində məlumat yerləşdirib.

Axar.az xəbər verir ki, jurnalist Ruslan Həsənov Ağanisə Sultanovanın hazırda səhhətinin yaxşı olduğunu bildirib:

"Əziz jurnalist dostumuz Ağanisə Sultanovanı maşın vurub, xəstəxanadadır. Az əvvəl yaxınları ilə danışdım. Şükürlər olsun ki, vəziyyəti yaxşıdır. Çox güman ki, sabah ambulator müalicəyə yazacaqlar".

Xatırladaq ki, uzun illər "Xalq qəzeti"ndə çalışan Ağanisə Sultanova hazırda AzTV-nin həftəlik analitik proqramlar departamentində fəaliyyətini davam etdirir.