Axar.az
Yuxarı

Heyrət: bu adamları həbsdə saxlamaq olmur - Qaçış

Ana səhifə Toplum
12 Punto 14 Punto 16 Punto 18 Punto

Hollandiyada həbsdən qaçmağı bacaran məhbuslara qarşı heç bir cəza tətbiq edilmir. Onları yenidən həbsə də atmırlar. Bunu onunla izah edirlər ki, əgər məhbus həbsdən qaçmağı bacarıbsa, azadlıq onun haqqıdır. Ancaq bu heç də bütün ölkələrdə belə deyil. Həbsə düşmək nə qədər asan olsa da, oradan qaçış hər kişinin işi deyil. Ancaq bunu bacaranlar da var.

Axar.az həqiqət olduğuna inanmayacağınız 5 həbsdən qaçış hekayəsini təqdim edir.

Hüquqşünas qatil

Ted Bandi adlı amerikalı qatil 30-dan çox qadını öldürdüyü üçün 3 dəfə həbs edilib və onlardan 2-də qaçmağı bacarıb. Psixi pozuntusu olan Bandinin qətl üsulu boğmaq və başa şiddətli zərbələr vurmaq idi.

O, 1975-ci ildə polis qadını qaçırdığı üçün həbs edilir. Ona qarşı irəli sürülən bütün iddihamları rədd etsə də, haqqında araşdırma aparılır. Maraqlısı odur ki, Bandi özü də vəkil idi. Bu səbəbdən o məhkəmədə özü özünün vəkilliyini edir. Məhkəmə prosesləri zamanı ona qarşı irəli sürülən iddialar əsasında hüquq kitablarına baxmaq məqsədilə kitabxanaya getmək icazəsi alır. Və buna nail olur. İstəyi qəbul edilən Bandi məhkəmə binasının ikinci mərtəbəsində yerləşən kitabxananın pəncərəsindən tullanaraq qaçır.

Ancaq bir həftə sonra tutulur. Bu dəfə həbs edilən qatil tək qaldığı kamerada tunel qazır. Tunelin bir ucu türmə rəisinin evinin həyətinə çıxır. Xoşbəxtlikdən o qaçan gecə evdə heç kəs olmur. Bandi evə girərək rəisin paltarları vasitəsilə özünə yeni imic yaradır və Floridaya qaçaraq cinayətlərinə davam edir. Bir çox amerikan filmlərinin ilham qaynağı olan bu qatil bir neçə cinayətdən sonra həbs olunur və edam edilir.

Helikopterlə qaçan "Robin Qud"

Vasilis Palekostasu yunanların Robin Qudu da adlandırmaq olar. O, peşəkar oğru olub, ancaq oğurladığı pullarla kasıb ailələrə kömək edib.

Həbs edilən Vasilis adam qaçırmaq üzrə də peşəkar olduğu üçün bir plan hazrlayır. İnandırıcı olmasa da, qardaşı kirayə bir helikopterlə həbsxana bağçasına enir və Vasilisi qaçırır. Gözətçilər bu super sadə qaçırma planı qarşısında heç bir şey etmirlər. Çünki onlar helikopterlə müfəttişlərin həbsxanaya nəzarətə gəldiklərini düşünürlər.

O, 2 il qaçaq yaşadıqdan sonra həbs edilir. Eyni həbsxanada cəza çəkən soyğunçu bu dəfə də qaçmağı bacarır. Nə qədər gülməli olsa da, o, bu dəfə də eyni plan üzrə qaçır. 2009-cu ildə həbsxananın hələtinə bir helikopter enir və Vasilisi götürüb aparır. Eyni yerdən iki dəfə eyni şəkildə qaçan soyğunçu hələ də tapılmayıb.

Qeyri-adi qaçış və adi həbs

Çarles Viktor köhnə sevgilisini öldürdüyü üçün ömürlük həbsə məhkum edilir, ancaq o özünü günahkar hesab etmir. Və həbsdə qaçmaq planı hazırlayır. Ailəsindən onun üçün tez-tez bahalı paltarlar gətirməsini istəyir. Daha sonra vəkili ilə görüşür. Hücrəsində vəkili ilə söhbət zamanı ona göndərilən ən bahalı paltarları geyinib hücrəsinin açıq olan qapısından çıxır. Çıxışda nəzarətçilər ondan şəxsiyyət vəsiqəsi tələb edirlər. O isə özünü itirmədən həbsxana vəsiqəsini təqdim edir. Nəzarətçilər diqqətsiz şəkildə vəsiqəsinə baxıb onu buraxırlar. Çünki onun əynində olduqca bahalı və şux kostyum var idi.

Olduqca adi qaçış planı ilə həbsdən çıxmağı bacaran Viktor bunu qeyd etmək fikrinə düşür. Həddindən artıq içib sərxoş olan Viktor ətrafdakları narahat etməyə başlayır. Dava çıxardığı üçün polis çağırılır və o yenidən həbs edilir.

Bu oğrunu həbsdə saxlamaq mümkün deyil

Alfie Hinds 20-ci əsrdə çox məşhur olmuş bir ləl-cəvahirat oğrusu olub. Günahsız olduğunu deyən Hinds 3 dəfə İngiltərənin ən yaxşı qorunan həbsxanalarından qaçmağı bacarıb.

İlk qaçışda qaldığı kameranın açarının formasını əzbərlyib ilk fürsətdə eynisini hazırlayır. Bununla həbsdən qaçır, amma 8 ay sonra yenidən tutulur.

Bütün nəzarətçilərə tapşırılır ki, ona bir dəfə də açar göstərilməsin. Bu səbəblə o məhkəməyə müraciət edir. Məhkəmə zamanı tualetə gedir və əvvəlcədən hazırladığı qandal açarları ilə qollarındakı qandalları açır. Ona nəzarət edənləri isə tualetə kilidləyərək aradan çıxmağı bacarır.

Uzun illər qaçaq yaşayan Hindsin həbsə girib yenidən qaçması o qədər təkrarlanır ki, nəticədə, o tamamilə azad edilir.

Cadugər kimi məharətli

Riçard Li soyğun zamanı bir adamı öldürdüyü və birini yaraladığı üçün ömürlük həbs cəzası alır. Ancaq elə polis bölməsində dodaq balzamından istifadə edərək qandalları qolundan çıxararaq qaça bilir. Sonradan həbs edilir və cəza alır. 4 ildən sonra havalandırma boşluğundan istifadə edərək həbsdən qaçır.

Cəmi 10 ay azadlıqda qala bilir, sonra yenidən tutularaq yüksək səviyyədə nəzarət edilən həbsxanaya salınır. Həbsdə olarkən poçt çantaları təmiri işi ilə məşğul olur.

2006-cı ildə çantalardan birinin içinə girir və çanta daşıyan yük maşınına yüklənərək aradan çıxır. Bu qaçışdan sonra axtarılmağa başlanır və bir polis məmuru tərəfindən saxlanılır. Şəxsiyyət vəsiqəsi olmayan Riçard iki fəqli ad deyərək gözəgörünməz şəkildə aradan çıxa bilir.

Buna sonradan bir növ cadudan istifadə edilmiş bir şey kimi baxırlar. Həmin hadisə polis kamerasına da düşür. Dəfələrlə videonu izləyən polislər hələ də onun necə aradan çıxmasını müəyyən edə bilmirlər. Bu bacarəğına görə isə o, hələ də azadlıqdadır.

Tarix
2014.06.29 / 13:22
Müəllif
Nigar İxtiyarqızı
Şərhlər
Digər xəbərlər

Şuşada 1 ton narkotik məhv edildi

“Kontakt”ın “Şeş-Qoşa” kampaniyasında 5-ci maşın uduldu

Qubada 7 yaşlı uşaq göldə boğuldu

Ağdaşda fəhlə faciəvi şəkildə öldü

Ermənilər Kəlbəcəri atəşə tutdu

Ölkədə istehsal edilən bu məhsulların dəyəri açıqlandı

Xalidə Kəngərlinin intiharı ilə bağlı cinayət işi açıldı

Tənzilə Narbayeva Azərbaycana gəldi

Baş nazirdən Nəbatat bağı ilə bağlı qərar

Bakıda məktəbdə baş verən yanğın söndürüldü

KULT
<>
Xəbər xətti
Axar.az'da reklam Bağla
Reklam
Bize yazin Bağla