Axar.az
Yuxarı

Axar.Az Logo

Türkiyədə iki azərbaycanlı kapitan həbs edildi - Foto

Ana səhifə Toplum
12 Punto 14 Punto 16 Punto 18 Punto

Türkiyədə dənizdə və quruda eyni vaxtda həyata keçirilən xüsusi əməliyyat zamanı yüzə yaxın miqrantı qeyri-leqal yollarla Yunanıstanın Rodos adasına keçirmək istəyən iki Azərbaycan vətəndaşı yaxalanıb.

Virtualaz.org saytı xəbər verir ki, bu gün həyata keçirilən əməliyyat zamanı həmin şəxslər "Vagabund" adlı 10 metrlik motorlu qayığın kapitanlarıdır.

Xəbərə görə, əməliyyatı Türkiyənin sahil mühafizə qüvvələri və jandarması həyata keçirib. Daxil olan əməliyyat məlumatları əsasında keçirilən əməliyyatda cəmi 155 miqrant saxlanılıb.

Sahil mühafizə qüvvələri "Vagabund" adlı alman bayraqlı motorlu qayıqda Yunanıstanın Rodos adasına qeyri-leqal yollarla miqrant aparılacağına dair məlumatı aldıqdan sonra qayığı təqib etməyə başlayıblar.

Qayığa Muğlanın Çığlıq yarımadası sahillərində "dayan" əmri verilib. Qayıqda aparılan yoxlama zamanı 5-i qadın, 3-ü azyaşlı uşaq olmaqla cəmi 56 nəfər olduğu müəyyən edilib. Onların Birma, İran, Suriya, Əfqanıstan vətəndaşları olduqları təsbit edilib.

Həmçinin məlum olub ki, qayığı iki azərbaycanlı kapitan idarə edir. Onların miqrantları Yunanıstanın Rodos adası üzərindən İtaliyaya keçirməyi planlaşdırdıqları müəyyən olunub.

Qayıqdakı miqrantlar ifadələri alınmaq üçün Muğla jandarma komandanlığına aparılıb. Azərbaycan vətəndaşı olan kapitanlar isə həbs olunub.

Əməliyyatın ikinci hissəsi isə Muğlanın Fatihiyyə qəsəbəsinin Günlüklü yarımadası səmtində keçirilib. Məlumata görə, Günlüklüdə dənizə yaxın meşəlik sahədə 99 miqrant qayıq gözləyərkən aşkar edilib. Onların 79-nun Suriya, 14-nün Birma, 5-nin Əfqanıstan, 1-nin isə Azərbaycan vətəndaşı olduğu bildirilir.

Miqrantlar ifadələrində bildiriblər ki, onları Günlüklü yarımadasına gətirənlər bura Rodos adası olduğunu deyərək aradan çıxıblar. Miqrantlar aparıldıqları yerin Rodos adası olmadığını ancaq jandarmadan öyrəniblər.

Hazırda miqrantların qeyri-leqal yollarla Yunanıstana daşınmasını təşkil edənlər axtarılır.

Tarix
2014.08.20 / 15:49
Müəllif
Axar.az
Şərhlər
Digər xəbərlər

MM-in iclasında büdcə zərfi müzakirəyə çıxarılacaq

DYP: Gəncə prospekti tam nəzarətdədir!

Akademiya binasındakı yanğın söndürüldü - Video

Akar: Tək yumruq kimi birləşməyə hazırıq!

Bu hərbçilər təltif olundu

DTX və İqtisadiyyat Nazirliyinə yeni səlahiyyətlər verildi

Nigar Köçərli iki şirkətini ləğv edir

"Sədərək Yusif"in oğlunun evindən 803 minlik oğurluq...

Son sutkada neçə nəfər koronaya yoluxub?

Vilayət Eyvazov polis mayorunu rəis təyin etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla