Füzuli rayonunda bədbəxt hadisə baş verib.

Füzuli Rayon Prokurorluğundan APA-ya verilən məlumata görə, hadisə bu gün səhər saat 10 radələrində qeydə alınıb.

"Azərbaycan Televiziya və Radio Verilişləri" Qapalı Səhmdar Cəmiyyətinin mühəndisi, 1955-ci il təvəllüdlü, Ağaqulu Əliağa oğlu Mürvətov Horadiz qəsəbəsində rəsmi tədbir zamanı generator maşınında olarkən elektrik cərəyanı vurması nəticəsində dünyasını dəyişib.

Hazırda faktla bağlı araşdırma aparılır.

***

Qurumun mətbuat xidmətindən verilən məlumatda bildirilir ki, A. Mürvətov məhkəmə-tibbi ekspertizasının arayışına əsasən, üçüncü dəfə aldığı geniş infarkt nəticəsində vəfat edib.